PRP (Plazma e Pasur me Trombocite) është një trajtim inovativ që përdor përbërës natyralë nga vetë trupi i pacientit. Ky trajtim përfshin marrjen e një sasie të vogël gjaku nga pacienti, e cila më pas centrifugohet për të ndarë trombocitet nga përbërësit e tjerë të gjakut. Pas ndarjes, plazma e pasur me trombocite (PRP) injektohet në zonat e caktuara të lëkurës për të stimuluar rigjenerimin e qelizave dhe indeve.

Cili pacient mund të konsiderohet si kandidat i duhur për këtë ndërhyrje?

Kandidati ideal për trajtimin PRP është dikush që:

• Dëshiron përmirësime estetike jo invazive, si riparimi i lëkurës, trajtimi i shenjave nga aknet ose reduktimi i rrudhave.
• Ka lëkurë që ka humbur elasticitetin për shkak të moshës ose dëmtimit nga dielli.
• Është në kushte të mira shëndetësore.
• Ka pritshmëri realiste për rezultatet.

Përfitimet e PRP

• Riparimi i lëkurës nëpërmjet stimulimit të kolagjenit.
• Reduktimi i shenjave: Është efektiv në trajtimin e shenjave nga aknet duke i dhënë lëkurës tuaj një pamje freskuese.
• Trajtim nuk është kirurgjikal, është një procedurë me injeksione, pa patur nevojën për incizion ose kohë të gjatë rikuperimi.
• Rritja e Flokëve: PRP përdoret gjithashtu për trajtimin e humbjes së flokëve duke stimuluar folikulat e flokëve për rritjen e tyre.
• Rezultate Natyrale: Duke qenë një trajtim që përdor gjakun e vetë pacientit, rezultatet janë shumë natyrale dhe pa efekte anësore

Koha e Rikuperimit

• Rikuperimi Fillestar: Ka mundësi për skuqje të lehtë,enjtje ose mavijosje shumë të lehta në vendet e injeksionit, por këto efekte zhduken brenda 24-48 orësh.
• Kthimi në Aktivitetet e Përditshme: Pacientët mund të kthehen në aktivitetet e përditshme menjëherë pas procedurës, por është e këshillueshme të shmanget ekspozimi i drejtpërdrejtë ndaj diellit për disa ditë dhe aktivitetet fizike të sforcuara për 1 javë.
• Rezultatet fillestare janë të dukshme pas 2-3 javësh, me përmirësime të vazhdueshme deri në 6 muaj.