Shkrirja e dhjamit është një procedurë jo invazive që përdor teknika të ndryshme për të shkrirë dhe reduktuar dhjamin nën mjekër apo në zona të tjera të trupit. Trajtimi përdor injeksione të substancave që ndihmojnë në tretjen dhe largimin e qelizave të dhjamit, duke krijuar një pamje më të sheshtë dhe të definuar të trupit.
Cili pacient mund të konsiderohet si kandidat i duhur për këtë ndërhyrje?
Një kandidat ideal për trajtimin e shkrirjes së dhjamit është dikush që:
- Ka zona të dhjamit të qëndrueshëm të cilat largohen përmes dietës dhe aktivitetit fizik, si për shembull mjekra e dyfishtë ose dhjami në pjesë të trupit si beli ose kofshët.
- Dëshiron një alternativë jo kirurgjikale për rimodelimin e trupit si liposucioni.
- Ka pritshmëri realiste për rezultatet dhe kupton se ato shfaqen gradualisht pas disa javësh.
- Është në shëndet të mirë dhe nuk ka kushte mjekësore që mund të ndikojnë në trajtim (p.sh., infeksione aktive, sëmundje të lëkurës ose alergji ndaj substancës injektuese).
Përfitimet e Trajtimit të Shkrirjes së Dhjamit
- Reduktim i Dhjamit nëpërmjet procedurave Jo Kirurgjikale: Trajtimet e shkrirjes së dhjamit përfshijnë alternativa si liposucioni në të cilën yndyrnat thithen për të theksuar linjat trupore.
- Reduktimi i Dhjamit të Lokalizuar: Trajtimi përqëndrohet në zona specifike të dhjamit, si mjekra, barku ose kofshët, pa dëmtuar indet përreth.
- Koha e Rikuperimit e Shkurtër: Shumica e pacientëve mund të kthehen në aktivitetet e përditshme menjëherë pas procedurës.
- Rezultate Natyrale: Qelizat e dhjamit shkrijnë dhe eliminohen gradualisht, duke sjellë një transformim natyral dhe të butë të kontureve të trupit.
- Rezultate të Qëndrueshme: Pasi qelizat e dhjamit janë shkrirë, ato nuk rigjenerohen, duke sjellë rezultate të qëndrueshme për aq kohë sa stili i jetesës është i shëndetshëm.
Koha e Rikuperimit
- Rikuperimi Fillestar: Enjtje e lehtë, skuqje dhe mavijosje mund të shfaqen në zonën e trajtuar, por këto efekte zhduken brenda disa ditësh ose një jave.
- Kthimi në Aktivitetet e Përditshme: Pacientët mund të kthehen në rutinën e përditshme menjëherë pas procedurës, megjithatë, është e këshillueshme të shmangen aktivitetet fizike intensive dhe ekspozimi ndaj temperaturave të larta (si saunat) për disa ditë.
- Rezultatet Përfundimtare: Rezultatet fillestare fillojnë të shfaqen pas 4-6 javësh, ndërkohë që trupi përpunon dhe eliminon qelizat e dhjamit të shkrirë rezultatet bëhen akoma më të dukshme.
A është procedura e dhimbshme?
Trajtimi i shkrirjes së dhjamit mund të shkaktojë disa shqetësime, veçanërisht gjatë injeksioneve. Megjithatë, përdorimi i një kremi anestezik minimizon çdo shqetësim
A ka efekte anësore ose rreziqe?
Efektet anësore janë zakonisht të lehta dhe kalimtare duke përfshirë enjtje, skuqje dhe mavijosje në zonën e trajtuar. Këto efekte zhduken pas disa ditësh rreth 1 jave. Efektet anësore më të komplikuara si infeksion apo reaksione alergjike janë të rralla.
. Sa trajtime janë të nevojshme?
Numri i trajtimeve varet nga zona e trajtuar dhe sasia e dhjamit që duhet të shkriret. Për shumicën e pacientëve nevojiten 2-4 trajtime për të arritur rezultatet e dëshiruara, me intervale prej disa javësh.
Kush nuk duhet të bëjë këtë trajtim?
Trajtimi i shkrirjes së dhjamit mund të mos jetë i përshtatshëm për individët me alergji të rënda ndaj substancës injektuese, infeksione të lëkurës ose kushte të tjera mjekësore. Është e rëndësishme konsulta për të përcaktuar nëse ky trajtim është i përshtatshëm për ju.
